JoOoDeE
مشرف التسليه والترفيه
عدد المساهمات : 68
تاريخ التسجيل : 09/03/2009
 |  موضوع: زينوها وإدفنوها....؟  13/3/2009, 3:32 pm | |
|
زينوها وإدفنوها والكفن ثوب الزفاف
غصب عنها زوجوها وسلموها للغريب
مجبره ماشاوروها قصدهم شرع العفاف
مادروا إن البنت مغرمه ولها حبيب
جهزوها وهي تبكي وترتشف دمع إرتشاف
وخبروها إن موعد الفرح منها قريب
مالقت أحد فهمها وهمها ناظر وشاف
إن حكت باللي سكنها مالقت لها مجيب
وكانها هي وافقتهم جرعوها الزعاف
حالها من فعل أهلها صار محزن ومريب
والحفل قرب وقامت ترتجف خوف إرتجاف
كل يوم تقول باكر الفرج بإذن الرقيب
بكرى يمكن يفهمون قصتي بآخر مطاف
جا باكر . . ثم عدا . . وجاء بعد باكر عطيب
وعلقوا عقد الإناره وإحتشد فرد وآآآآلاف
أيقنت إن الجرح جرحها ماله طبيب
وإنها لازم تطيع أمرهم وترضى الجفاف
جو لها والدمع يغرق جفنها الحلو الرطيب
قالوا ياالله إلبسي ثوبك اللي للزفاف
كفنوها وفي نظرهم زوجوها للأديب
فرشو لها الهم دايم والأسى لها لحاف
ياحسافه دخلوها والحشا يغلي لهيب
وأحكموا قيد البنيه وإسجنوها بإلتفاف
وادعتهم وهي تقول :
( حسبي الله الحسيب )
رحلتي ماهيب طويله ورجعتي بعدالقطاف
سافرت عن دار أهلها وقلبها خطر وصويب
سافرت مع منهو خطفها من أمانيها الضعاف
خايفه مستوحشه والدمع منها صبيب
وقلبها ينبض بذكرى ماضيه فيها إختلاف
حاولت ترضى بقدرها وللحدث هي تستجيب
بس عيت تقتنع وعشقها ذاك الضفاف
هو سألها جاوبيني ليه دمعاتك سريب
ليه لي ماتنظرين وأنا زوجك ...ص واف
قالت بنبره خجوله أنا في وضع رهيب
غصب عني زوجوني وإطعنوني بالرهاف
هو سكت لحظة تأمل وش أسوي يامجيب
عقله وقلبه نطقها صاحب النخوه يعاف
قال منهو غير حبي يسكن بقلبك نجيب
من تولى عرش قلبك إهتني به ياعفاف
وباكر الرجعه تراها وإمسحي الدمع العجيب
خايف إني أمسكك وأقترف ذنب إقتراف
إضحكت ضحكه وقالت مابعد هالطيب طيب
الله يجازيك عني بالأجر ويسر الطواف
إرجعت وقالت رجعت ياأهل الشرع الغريب
بنتكم جتكم ولكن من بعد ذل وحساف
وإبعثت مرسول عاجل أنا جيتك ياالحبيب
النذر اللي نذرته صار وافي يامناف
إجلست يوم وتأخر . . لارساله ولامجيب
وعقلها يمه تشتت وبدت بالغيبه تخاف
مرها طفل صغير وإسألت عن الصحيبب
قال مات ليلة زفافك وإندفن بعد <<الزفاف>>
ناحت بحسره وطالت الليالي والنحيب
وودعت قبل اللقاء حلمها الزاهي وطاف
إقتلوها مرتين وشابت من قبل المشيب....
مما اعجبني....
| |
|
????
زائر
| | موضوع: رد: زينوها وإدفنوها....؟ 13/3/2009, 4:07 pm | |
| يعطيك العافيه ولااحلى دووم هالمواضيع الرائـعه ,’’ |
|
بسبوسه
الادآره
عدد المساهمات : 67
تاريخ التسجيل : 19/02/2009
| | موضوع: رد: زينوها وإدفنوها....؟ 14/3/2009, 7:13 am | |
| ثانكس
المضوع ماينوصف الموضوع اكثر من رائع | |
|
عآشق الديرهـ
مشرف استراحه شباب
عدد المساهمات : 71
تاريخ التسجيل : 22/02/2009
| | موضوع: رد: زينوها وإدفنوها....؟ 16/3/2009, 6:07 am | |
| | |
|
al.fars
مشرف عام
عدد المساهمات : 66
تاريخ التسجيل : 10/04/2009
| | موضوع: رد: زينوها وإدفنوها....؟ 19/4/2009, 5:45 am | |
| | |
|
????
زائر
| | موضوع: رد: زينوها وإدفنوها....؟ 2/5/2009, 2:52 am | |
| يعطيك العافيه على الطرح الراقي |
|
كــاتــلــونــي
آداري
عدد المساهمات : 35
تاريخ التسجيل : 08/05/2009
| | موضوع: رد: زينوها وإدفنوها....؟ 8/5/2009, 5:43 am | |
| روووعة الله يعطيك الف عافية
| |
|
